Биылғы жылдың 11-15 қараша күндері аралығында Түркіменстанның астанасы – Ашхабад қаласында SCAFFOLD Халықаралық жобасына қатысушы осы елдің 68 пилоттық білім беру мекмелерінің өкілдерімен Информатика және телекоммуникация институтында инновациялық жаңалықты енгізу тетіктерін пайдалану туралы кездесу өтті.
Әр оқу орнынан келген команда құрамында тренер-жаттықтырушы, басшының орынбасары мен бір педагог болды, кездесу барысында педагогикадағы көшбасшылық, ұжымдық қарым-қатынас мәдениеті және командалық жұмыс тиімділігі талқыланды.
Бұл іс-шараға біздің еліміздің атынан Б. Ахметов атындағы жоғары педагогикалық колледжі басшысының оқу-әдістемелік жұмысы жөнінде орынбасары Смаилканова Алтын Агнасовна Қазақстандағы пилоттық білім беру мекемесінің өкілі ретінде және SCAFFOLD бағдарламасының ұллтық тренері ретінде қатысып, іс-тәжірибемен бөлісті. Ол колледжде жүргізілген жұмыстың жүйелілігіне тоқталды, командалық жұмыстық тиімді тұстарын атап көрсетті және және SCAFFOLD бағдарламасының кәсіби мәдениетпен ұстаздардың жұмысқа қызығушылығын арттырудағы маңызын атап өтті.
Қазақстанда SCAFFOLD бағдарламасын жүзеге асыру 2024 жылы алғашқы 10 пилоттық білім беру мекемесінде бастау алды және аз уақыт ішінде мол тәжірибе жинақтап үлгерді.
Кездесу-семинарға қатысушылар халықаралық ынтымақтастықтың -инновациялық жаңалықтың білім кеңістігіне енуіне және өзгерістерге дайын болуға үйретіп, жетістікке жетелейтін тетік деп жоғары баға берді.
Басты